Ic-Cirasa 11 ta Mejju 2012

Ganni s-Sagristan

 Nhar it-Tlieta 8 ta’ Mejju 2012 kien it-tieni anniversarju mill-mewt ta’ siehbi Ganni s-sagristan. Ganni Abela tilef hajtu tragikament fil-kamra tan-nar ta’ Santa Katerina taz-Zejtun. Dan il-post kien il-holma ta’ Ganni. Kien hu li hadem u stinka biex jinbena dan il-post. Kien hu li beda l-Ghaqda Dilettanti tan-Nar 25 ta’ Novembru, Zejtun. Ganni kien ragel kwiet. Dilettant kbir tal-festa. Ihobb lil Santa Katerina. Ihobb liz-Zejtun. U fuq kollox bniedem li dejjem habb lil ghajru.

Tfuliti jien ghamiltha nigri ma’ Ganni s-sagristan. Dejjem mieghu l-knisja.  Il-fares ma kinux jonqsu. Minn jaf kemm stennejna lil Ganni jaghlaq il-knisja. Imbaghad nintasbu fuq ic-cinta tal-knisja. U x’hin naraw lil Ganni hiereg mill-bieb ta’ wara nitfawlghu xi barmil ilma. Darba f’wiehed mill-gandlieri ta’ fuq l-artal maggur minflok xemgha wahhalna suffarell. U x’hin Ganni mar jixeghlu bil-lasta t-twila xeghel suffarell. Jarmi ilsien ta’ nar u jsaffar. Imma Ganni ma kienx jiehu ghalih. Kien jirrabja ftit dak il-hin. U kwarta wara qisu ma gara xejn. Ganni kien ragel tajjeb. Xejn aktar. Xejn anqas.

Tibqa’ timpressjonani martu Gustina. Mara ta’ fidi kbira.  Dejjem ixxandar il-kelma ta’ Alla. Titkellem b’konvinzjoni liema bhalha. Liz-Zejtun din il-familja semplici taghtu hafna.

Insellimlek Gan. U kompli strieh fil-paci.

Spiru Callus

Iltqajt ma’ Spiru Callus. Anzjan mis-Siggiewi ta’ 78 sena.  Bniedem vera simpatiku. Qalli “Isma jien ic-Cirasa tieghek naqraha kull gimgha. Nhar ta’ Gimgha lilha l-ewwel ma nfittex.”  Lil Spiru insellimlu. U nirringrazzjah talli jaqra “Ic-Cirasa.” Li nikteb kull gimgha huwa impenn. Imma nibqa’ nikteb ghax naf li jkun hawn nies bhal Spiru li jkunu jistennewha. U jaqrawha.

Grazzi mill-qalb lil Spiru u lil tant ohrajn li ta’ kull gimgha jaqraw kitbieti.

Privileġġi

Nhar it-Tnejn dhalt ghall-Cabinet Kastilja. Hemm il-kafe bil-hin. Niehdu ftit kafe x’hin ikun irrid Edgar Galea Curmi. U ghall-kafe, Edgar idu iebsa.  Kif dhalna nara messaggier gej  b’kikkra kafe. Ghal Mario de Marco. Innutajt li jidhol x’hin jidhol  Mario De Marco dejjem iservuh il-kafe. Lilna le.  Lil Clyde ghidtlu qed tara kemm jiswa li jkollok missierek President tar-Rapubblika. Mario de Marco bil-kafe shun shun. U ahna nharsu lejh nixxenqu. Ftit hin wara nara messaggier diehel b’ kafe iehor. Did-draba ghall-Dolores Cristina. Thawwadt. Missier Dolores ma kienx President tar-Repubblika allura kif kienet qed tgawdi mill-istess privilegg ta’ kafe x’hin trid. Dlonk tani r-risposta siehbi Karm Mifsud Bonnici. Qalli: “Missier Dolores ma kienx President tar-Rapubblika. Imma missieri kien. Lil Dolores irrangajtilha jien ghall-kafe.”

Kellu ragun il-kittieb maghruf George Orwell. Meta fil-ktieb tieghu Animal Farm kiteb li l-annimali kollha huma ugwali. Imma xi whud huma ferm aktar ugwali mill-ohrajn.